كلمة التعليق سيرة
سيرتك بكلمات الإعلان… بدون ما تكذب
برومبتين لـ ChatGPT: واحد يقول لك وش الكلمات الناقصة من سيرتك، والثاني يرتّبها على الإعلان بدون ما يخترع ولا خبرة. جرّبناهم على 3 سير، ومعها مهارة جاهزة تضيفها لـ Claude.
المهارة: في Claude افتح الإعدادات، ثم Capabilities، ثم Skills، وارفع ملف الـ ZIP. من بعدها أرسل له سيرتك والإعلان، ويرتّبها بكلمات الإعلان بدون ما يضيف أي شي مو عندك.
ليش ما أحد يرد؟ أغلب الشركات الكبيرة تفرز السير ببرنامج يدوّر على كلمات الإعلان نفسه. إذا الإعلان يقول «التسويات البنكية» وسيرتك تقول «مطابقة كشوف البنك»، ممكن البحث ما يطلّعك، مع إنك تسوي نفس الشغل.
الحل في خطوتين
- قبل ما تلصق: امسح من سيرتك رقم الهوية والجوال والعنوان.
- اعرف الناقص: خلّ ChatGPT يقارن سيرتك بالإعلان، ويقول لك أي كلمة من الإعلان تستخدم للشغل اللي تسويه أصلاً.
- رتّب بدون كذب: خلّه يعيد كتابة السيرة بشرط واضح: ممنوع يضيف أي خبرة أو رقم مو عندك، والناقص يكتبه في قائمة منفصلة.
- اقرأ السيرة الجديدة سطر سطر، وصحّح أي كلمة ما تمثلك.
قاعدة الدليل: ما نبي سيرة «تعدّي» بمعلومات غلط، أي خبرة ما عندك بتنكشف في المقابلة. البرومبتين بالحرف ونتيجة تجربتنا (مع الشرط وبدونه) في الدليل.
