كلمة التعليق إيميل

أبسط وكيل ذكاء اصطناعي: ملخص إيميلاتك كل صبح

كل يوم الساعة 7، يقرا إيميلات آخر 24 ساعة ويرسل لك على تيليقرام أهم 3 أشياء، والإيميلات المشبوهة، والباقي في سطر. بدون برمجة، تقريباً 30 دقيقة.

وش الفرق بين الشات بوت والوكيل؟ الشات بوت مثل الكاشير: تسأله، يجاوبك. الوكيل مثل الموظف: يشتغل بنفسه في وقت محدد، ويسوي خطوات، ويبلغك بالنتيجة.

الخطوات

1. في n8n اضغط Create workflow، بعدها ⋯ ← Import ← From file، واختر ملف الوكيل.
2. اربط Gmail: اضغط مرتين على خطوة «إيميلات آخر 24 ساعة»، بعدها Connect to Gmail واختر حسابك.
3. في خطوة الملخص (Claude) اختر نفس مفتاح Claude اللي سويته في دليل الفواتير.
4. سوّ بوت تيليقرام من @BotFather، والصق التوكن في خطوة «أرسلها لي على تيليقرام». الخطوات كاملة بالصور في الدليل.

وش تحتاج قبل ما تبدأ

• حساب n8n. السحابية أسهل، لأن ربط Gmail فيها بضغطة زر.
• حساب Gmail.
• مفتاح Claude API.
• تيليقرام في جوالك.

جرّبناه على 12 إيميل تجريبي، 3 مرات: نفس أهم 3 أشياء كل مرة، كشف إيميل الاحتيال، وما نفّذ الأمر المدسوس «تجاهل كل التعليمات». بصراحة: التجربة كانت بنموذج محلي (Qwen) بنفس التعليمات، والملف يستخدم Claude. وانتبه: المرسل والموضوع وأول سطرين من كل إيميل يروحون لـ Claude عشان يلخصهم، والوكيل يقرا ويلخص بس، ما يرد ولا يمسح.