كلمة التعليق تقرير

اكتب «تقرير»… ويرد عليك بمبيعات اليوم والمخزون

الجزء الثاني من وكيل الواتساب. تكتب «تقرير» من رقمك، ويرد عليك: كم طلب جاك اليوم، كم دخل، وش أكثر منتج انباع، ووش قرب يخلص.

هذا الدليل يكمّل دليل وكيل الواتساب. ابدأ فيه أول لو ما سويته.

وش يصير من الداخل؟

1. الوكيل يشوف إن الرسالة منك أنت، وفيها كلمة «تقرير».
2. يسأل ميسّر عن فواتير اليوم المدفوعة.
3. يحسب العدد والمجموع والأكثر مبيعاً.
4. يشيّك جدول المخزون ويطلع اللي قرب يخلص، ويرد عليك على واتساب.

وش تحتاج قبل ما تبدأ

• وكيل الجزء الأول شغّال: n8n، رقم واتساب، ميسّر، وجدول المخزون.
• ملف هذا الدليل: فيه الوكيل القديم كامل، ومعه 3 خطوات جديدة.

الخصوصية: التقرير يطلع لرقمك أنت بس. لو زبون كتب «تقرير»، يروح للوكيل العادي وما يشوف أي رقم مبيعات. جرّبناها.