كلمة التعليق أسلوب
لا تلصق رد الذكاء الاصطناعي على حاله: سوّ «بطاقة أسلوبك»
بطاقة صغيرة فيها لهجتك وكلماتك المهذبة وطول رسايلك واللي ما تقوله أبداً، تحطها قبل أي طلب، وتطلع ردود الذكاء الاصطناعي لزبائنك بأسلوبك أنت. جربناها بثلاث أساليب على نفس رسايل الزبائن.
المهارة: في Claude افتح Customize، ثم Skills، ثم Add، ثم Upload skill، وارفع ملف الـ ZIP. بعدها ابدأ رسالتك بـ «استخدم مهارة my-reply-style:».
الطريقة في 4 خطوات
- اكتب بطاقتك: لهجتك، وكيف تبدأ وتختم، وكلماتك المهذبة، وطول رسالتك، والكلمات اللي ما تقولها.
- الصق معها معلومات محلك: الأسعار والتوصيل والمواعيد.
- قبل أي طلب الصق البطاقة واطلب: «اكتب رد للزبون بأسلوبي حسب البطاقة».
- اقرا الرد قبل ما ترسله. اسمك عليه.
بصراحة: البطاقة تضبط الأسلوب، مو المعلومات: في تجربتنا رد واحد قال مدة توصيل وهو ما يعرف مدينة الزبونة. جربناها على Claude بس، وعلى ثلاث أساليب (سعودي، إماراتي، فصحى).
